Dünya şöhrətli ingilis müğənni Adel “Weekends with Adele” adlı 2022-2024-cü illəri əhatə edən konsert proqramını bitirdikdən sonra, yeni konsert silsiləsi ilə sevənlərini müjdələdi. Belə ki, 36-yaşlı müğənni Almaniyanın Münhen şəhərindəki “Messe München” adlı arenada avqustun 2-sindən 31-nə kimi həftədə 2 dəfə olmaqla silsilə konsetlər verəcək. Hər gecə Adel 22 mahnı səsləndirəcək ki, bu karyerasında ən böyük mahnı siyasına malik olan konsertdir. Bundan başqa, bu Adelin 2024-cü ildə Avropadakı ilk konsertidir.
Adelin karyerası boyu etdiyi turlara və konsert proqramlarına gəlincə, 2016-cı ildə 3-cü dünya turunu bitirdikdən sonra Adel artıq turların ona uyğun gəlmədiyini və bir arenada silsilə konsertlər verməyin ona daha uyğun olduğunu söylədi. 2021-ci ildə “30” adlı növbəti albomunu buraxan Adel tura çıxmaq istədiyini bəyan etsə də, amma çox güman ki, bunun olmayacağını söyləmişdi. Suallar arasında qalan müğənni 2016-cı ildə verdiyi qərarda qalır və yeni albomunu tanıtmaq üçün bir arenada silsilə konsertlər verməyi seçir. Bu ilin 31 yanvarında Adelin Münhendə 4 günlük konsertinin olacağı, amma yüksək tələb səbəbilə daha sonra mümkün konsert saylarının 10-a çatdırıldığı bəyan edildi.
Comments