Gerçək kimliyi hələ də naməlum olan məşhur küçə sənətçisi Banksi heyvan mövzulu yeni əsərləri ilə keçdiyimiz günlərdə diqqət mərkəzində olub. Hər zaman sadə üsulla fikrini izləyicilərinə çatdıran sənətçi bu dəfə biraz qəliz yoldan gedib. Banksi əsərlərinə hər hansı bir başlıq verməyərək, insanlar arasında və sosial şəbəkələrdə fikir ayrılığına səbəb olub.
Banksi İnstaqram hesabında yeni əsərlər kolleksiyasına aid bir neçə fotoşəkil yayımlayaraq əsərlərin ona məxsus olduğunu təsdiqləyib.
Rəssam bazar ertəsi günü yaratdığı ilk əsərində Londonun cənub-qərbindəki "Kew" körpüsünün yaxınlığında çıxıntıda oturmuş bir keçini təsvir edib.
Çərşənbə axşamı isə sənətçi, Londonun cənub-qərbindəki Chelsidə bir evin yan divarında yerləşən, bağlı pəncərələrdən şlanqlarla bir-birinə uzanan iki fil silueti rəsmini kolleksiyasına əlavə edib.
Çərşənbə günü Londonun
"Brik Leyn" bölgəsində ortaya çıxan üçüncü əsər, bir körpü üzərində sallanan üç meymunu vurğulayıb.
Pekhemdə "Rye-Lane"də bir binanın damında yerləşən peyk anteninin üzərinə çəkdiyi qurd şəkli rəssamın sonuncu əsəri olub.
Fiftysix Magazine qeyd edir ki, sənətçinin onu İnstaqram hesabında paylaşmasından bir neçə saat sonra əsər oğurlanıb.
Gənc sənətçinin heyvan mövzulu əsərlərinin arxasındakı mesaj pərəstişkarları arasında maraq mövzusu olmağa davam edir.
ความคิดเห็น