"MTV Video Musiqi Mükafatları 2024"ün keçiriləcəyi tarix müəyyənləşib. "VMAs 2024"ün tarixi ABŞ-də prezident seçkiləri ilə əlaqədar olaraq dəyişdirilib. Yeni qərara əsasən, mükafat gecəsinin tarixi sentyabrın 10-u deyil, 11-i olaraq müəyyənləşdirilib. 11 sentyabr 2001-ci il tarixində ABŞ-də terror aktı baş verdiyindən şounun bu tarixdə keçirilməsi də sensasiya doğurub.
Bundan əlavə, MTV tərəfindən çıxış edəcək sənətçilərin bir qismi də açıqlanıb. Belə ki, bu il Çappel Roan, Sabrina Karpenter, Kamila Kabello, QloRilla və Rauv Alexandronun "VMAs 2024"də iştirakı gözlənilir. Həmçinin, bu sənətçilərin hər biri müvafiq mükafatlar üçün namizəddirlər.
Kamila Kabello bu il üçün "Billboard 200"də 13-cü yer tutan albomu "C,XOXO"dan bir mahnı səsləndirəcək. Alexandro isə yaxında işıq üzü görəcək beşinci studio albomundan bir mahnı ilə çıxış edəcək.
Teylor Svift 10 müxtəlif nominasiya üçün namizəd olaraq ən çox namizədliyi olan sənətçidir. 9 namizədliyi olan Post Malone isə Teylor Sviftdən sonra ikinci yerdə qərarlaşıb.
Bunlardan əlavə Ariana Qrande, Eminem və Sabrina Karpenter 6, Meqan Stallion və SZA 5, Lisa, Olivia Rodriqo və Teddi Svims 4, Anitta, Benson Bune, Bliçers, QloRilla, Dua Lipa, Tayla 3, və son olaraq "Bad Bunny", Billi Ayliş, Roan, Çarli XCX, "Coldplay", Dreyk, Celli Roll, Cessi Mörf, Latto, Alexandro, "Sexyy Red", Tate MakRi, Aşer and Viktoriya Monet isə hər biri 2 nominasiya üçün namizəd olaraq görülüblər.
Comments