Maykl Ceksonun ölümünün 15-ci ildönümündə onun 27 yaşlı gənc oğlu mərhum sənətçiylə bağlı acı xatirəsini izləyiciləriylə bölüşüb. İyun ayının 25-də Instagramda Mayklın 1993-cü ildə "Super Bowl XXVII" fasilə şousu zamanı çıxış edərkən pərəstişkarları ilə birlikdə çəkdirdiyi şəkli paylaşaraq üzərində bu sözləri:
"Miss you pops”,
“The world feld better with you in it." əlavə edib.
Maykl dünyasını dəyişən zaman 12 yaşında olan Prins 1985-ci ildə "Thriller", Lionel Riçi tərəfindən yazılmış "We Are The World" mahnısını da öz postuna əlavə edib.
Xatırladaq ki, Prins Mayklın üç övladının ən böyüyüdür.
Ötən günlərdə dünya ulduzunun 50 yaşında dünyasını dəyişən zaman milyonlarla dollar borcu olduğu ortaya çıxıb.
Əldə edilən məhkəmə sənədlərinə görə, Ceksonun əmlakından əldə edilən pulun hüquqi xidmətlər və digər xərclər üçün kompensasiya kimi istifadə edilməsi tələb olunub, bu səbəblə bir çox ştat və ölkədə Ceksona qarşı iddialar qaldırılıb. 65-dən çox kreditorun qaldırdığı iddia çox söz-söhbətə səbəb olsa da, işlərin əksəriyyətinin barışıqla bitdiyi bildirilir.
Ölümündən bir gün əvvəl, müğənni "This Is It" adlı turun geyim məşqində olub, bununla da musiqiyə qayıtmağı planlaşdırıb. Turun Londondan başlaması planlaşdırılsa da, müğənni qastrol başlamazdan əvvəl vəfat edib. Bildirilib ki, müğənni qastrol hazırlıqları zamanı həddindən artıq xərclərdən yayınmayıb.
Comments