Amerikalı müğənni Sabrina Karpenter karyerası boyu 5 studiya albomu, 27 sinql və 31 musiqi video buraxıb. "Disney Channel"in "Girl Meets World" şousunda tanındıqdan və onun mahnısını ifa etdikdən sonra Karpenter "Hollywood Records" ilə beş albomluq müqavilə imzalayıb. 2014 - cü ildə debüt sinqlı "Can't Blame a Girl for Trying" və eyni adlı "EP"ni buraxır. 2015-ci ildə isə ilk albomu olan "Eyes Wide Open"i təqdim edir. ABŞ Billboard 200-də 43-cü pillədən daxil olan albom müğənniyə uğur yolunu açır.
Bu dəfə isə Sabrinadan yeni albom xəbəri gəlib. Öz instaqram hesabından paylaşım edərək avqustun 23-ü altıncı studiya albomu "Short N' Sweet"i təqdim edəcəyini elan etdi. Hələlik Sabrinanın altıncı albomu üçün məşhur "Espresso"dan başqa heç bir trek rəsmi olaraq təsdiqlənməyib.
Onun son albomunda heç bir duet olmamışdı. Növbəti layihəsinin təqdimatından əvvəl bu sual yenə aktuallaşır.
Duet olacaqmı?
Pərəstişkarlar və tənqidçilər bu suala maraqlı formada cavab veriblər. Belə ki, iyunun 5-də Sabrina Taylanın postunda "Sizi şam yeməyinə aparmaq istərdim" şərhini yazır. Cavabında isə Tayla "Məni 4:11-də götür" deyə qeyd edir. Bir çox media orqanları və izləyicilər bunun təsadüf yox, yeni bir duetə işarə olduğunu bildirir. Bütün bu sualların cavabına avqustun 23-ü aydınlıq gələcək.
İllər boyu öz üzərində çalışan Sabrina rəsmi olaraq "pop qız" statusunu daşıyır və nəzərə çarpacaq dərəcədə müsbət rəylər alır. Son sinqlı olan "Espresso" hal hazırda ABŞ -da TOP10, Böyük Britaniyada isə birinci yerdədir.
Comments